Sabaqtyń maqsaty: qazaqtyń Tuńǵysh Prezıdenti Nursultan Ábishuly Nazarbaevtyń ómir joly, týyp - ósken, oqyp bilim alǵan, qyzmet etken jerleri týraly maǵlumat berý arqyly Elbasyndaı Otanyn, halqyn súıýge, naǵyz azamat, shynaıy patrıot bolýǵa tárbıeleý, til úırenýshilerdiń boıynda Elbasyna degen súıispenshilik, qurmet sezimin qalyptastyrý boldy.
1991 jyly 1 - jeltoqsanda respýblıka jurtshylyǵy tuńǵysh ret Nursultan Ábishuly Nazarbaevty Respýblıkamyzdyń Prezıdenti etip saılady. Atalǵan merzimdegi Elbasynyń ómiri men eńbek joldaryna saıahat jasap, qatysýshylarǵa úlken maǵlumat berildi. Sonymen qatar, Nursultan Nazarbaevtyń kitap kórmesi, naqyl sózderi, januıalyq fotosýretteri kórsetildi.
Kezinde N.Á. Nazarbaev: «Eger keleshekte qolymnan is keletin azamat bola qalsam, qazaq degen halyqty dúnıejúzine tanytyp, terezesin teń eter edim»,- dep armandaǵan bolatyn. Búginde asqaq armanyn oryndaldy. Qazaqty dúnıe júzi tanydy. Onyń keń baıtaq dalasyn, qazynasy mol jerin, darhan jatqan beıbit elin dúnıeniń tórt buryshy biledi. Kezinde nazardan tys jatqan, materıktiń ortasyndaǵy Ortalyq Azııadaǵy qazaq eli de syrtqy saıasatta óz ornyn aıqyndap, tórtkúl dúnıemen aınalasy az ǵana ýaqyt ishinde baılanys ornatty. Al el ómirindegi osyndaı mańyzdy tarıhı kezeńderde memleket basshysy N. Nazarbaevtyń qosqan úlesiniń orasan zor ekendigi keńinen aıtyldy.
Sabaq sońynda Elbasyǵa arnalǵan óleń shýmaqtary oqyldy, dep habarlady redaksııa tilshisine Mańǵystaý oblysy IID Memlekettik til jáne aqparat bólimi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
